木薯马拉糕

拖左好耐，今次做出来嘅口感尚算可以。之后有新改进仲会不断更新。哩个配方同出面唔一样嘅系，用奶油代替左调和油，口感上滑溜之余，祛除左油腻感。   再来好多人追求眼密，其实我认为，切面只要滑溜，眼大弹性更好。好似法棍咁，眼大，韧性够。所以唔好莫名追求眼密。

用料  

木薯马拉糕的做法  

1. 先用400克水将糖水煮融，所有粉除酵母外混合好捞匀。

2. 煮到糖融化，加入净翻嘅400克水。摊冻再用(太热酵母会死)。

3. 糖水冻后，粉里面加入奶油同酵母。

4. 加入糖水，一齐打到无颗粒(水可以先加入小部分，充分吸收以后再加入剩余，一次加完，容易起粒，如果手动搅到你扑街。)视频上其实系要有流动性，然后流落去以后会有支撑力，有层层沓再慢慢扁(视频被切去一半，无语)。    作者哩度稍微稀少少系因为避免成品会太干，切面粗糙。如果屋企火比较细或者面粉吸水力相对低，建议减30左右水，因为加左奶油。太稀蒸出来会发唔起。

5. 然后倒落盘，盘先扫油。落去以后可以用筷子如视频画圈圈祛除气泡。然后发酵到多0.7-0.8倍就可以。

6. 蒸之前再震一下，震走气泡。水滚落镬，大火蒸。20-30分钟不等。睇你盘大细，厚度啦。

7. 最后出炉等冻就可以切开食啦。

小贴士

1.面粉吸水性唔同。水要变化。作者用白燕面包粉。以前都用过中筋，口感会无咁韧，吸水性比较差。所以要灵活变通。
2.蒸过程唔可以开盖，厚就蒸埋啲。
3.天气冻就发耐啲，自己睇高度。无绝对时间40-70分钟不等。